cscd.org.mk: STOP përdorimit të armëve në dasma

STOP përdorimit të armëve në dasma
================================================================================
admin on 07 November, 2008 10:07:00
 
Na brengos fakti që pranë prokurorisë nuk ka as edhe një rast të vetëm të
evidentuar nga policia ose vetë prokuroria.
I thërasim policinë, prokurorinë  që të kryejnë obligimet e tyre për
çka edhe paguhen nga djersa e qytetarëve.
Shoqatat joqeveritare të Dibrës të shqetësuar nga ushtima e armëve nga të
gjithë anët dhe në çdo kohë, si dhe nga reagimet e shumta të qytetarëve
apelojnë te qytetarët të mos përdorin armët në ahengjet e tyre, i lusim
mërgimtarët që nga perëndimi të sjellin vlera evropiane dhe sa të mundin
të ndikojnë në përparimin e Dibrës  sonë.
Ne OJQ-të e ofrojmë alternativë që në vend të plumbave dhe frikësimit
të fëmijëve atyre tu ofrojmë fletora e libra të cilat shumë fëmijë edhe
nuk kanë mundësi ti blejnë.
Sipas përllogarive tona shohim se 1 plumb është i barabartë me 10 fletore,
dy plumba me nje libër dhe një karikator me një komplet librash.
Shuip Marku
Qendra për Zhvillim të qëndrueshëm të komunitetit-Dibër