cscd.org.mk: HEPENING I MADH MULTIETNIK NËN TË NJEJTIN DIELL

HEPENING I MADH MULTIETNIK NËN TË NJEJTIN DIELL
================================================================================
Shuip Marku on 24 June, 2009 06:40:00
 
Hepening i madh multietnik „Nën të njëjtin diell“
Më 4 korrik 2009, në ora 12 në Auto-kampin „AS“, në Strugë fillon
hepeningu i dytë multietnik „Nën të njëjtin diell“. Hepeningu është
pjesë e kampanjës për promovimin e vlerave multietnike dhe nxitjen e
respektimit të ndërsjellët të bashkësive etnike në Maqedoni. Vizitorët do
të kenë mundësi të njihen me kulturën dhe traditat e bashkësive të
ndryshme.  Do të prezantohen veshje tradicionale, punëdore, ushqime
tradicionale dhe valle popullore nga qytete të ndryshme të Maqedonisë.
Ngjarjen do ta hap E.T. Ervan Fuere, përfaqësuesi special i Unionit Evropian
dhe shef i Delegacionit të Komisionit Evropian, dhe njëkohësisht do të
promovojë „Udhërrëfyesin për legjislacionin nacional në sferën e
përdorimit të gjuhëve të bashkësive etnike në Republikën e
Maqedonisë“. Në kuadër të hepeningut, në amfiteatrin e Euro-kolegjit në
Strugë, do të organizohen dy panel diskutime: „Segregacioni në arsim –
sfidë për shoqëri multietnike“ dhe
„A mundësoi marrëveshja kornizë e Ohrit përmirësim të marrëdhënieve
ndëretnike?“
Si mbyllje e hepeningut multietnik njëditor, me qëllim të krijimit të
hapësirës për shoqërim të rinjve, prej orës 20 deri 24 do të prezantohen 
Nëna Bend, Parketë, Beni & Non Stop dhe Kiril Xhajkovski.
Hyrja për të gjithë vizitorët e hepeningut është e lirë.
Ngjarjen e organizon Fondacioni Instituti shoqëri e hapur - Maqedoni  në
suazat e projektit „Jetesë në mjedis multietnik – qytetarë me të drejta,
mundësi dhe mbrojtje të barabartë“ i financuar nga Komisioni Evropian dhe
FIShHM.