Shoqata Qendra për zhvillim të qëndrueshëm të komunitetit (CSCD) duke u bazuar në të drejtën kushtetuese sipas së cilës: Secili ka të drejtë të jetojë në një mjedis të pastër dhe të shëndetshëm, dhe gjendjes se deponise te qytetit të Dibrës, publikisht reagon tek intstitucinet përkatëse për sa Vijon:
Qytetarët e Dibrës çdo ditë helmohen nga tymi që vjen nga deponia e qytetit, ku digjen mbeturinat, e të gjitha llojeve sidomos mbeturinat e plastikës e najllonit, të cilat në ajër nxjerin grimca kancerogjene.
Shoqata QZHQK (CSCD) kërkon nga institucionet lokale dhe qëndrore që urgjentisht të ndërmarin masa për mbrojtjen e shëndetit të qytetarëve të Dibrës edhe atë.
- Urgjentisht të shuajë zjarrin në deponi!
- Në qytet të vendosen stacione matëse të cilësisë së ajrit, me qëllim paralajmërimin e qytetarëve për tu mbrojtur nga helmimi prej ajrit të ndotur.
- Të mbulojë me dhe të gjithë mbeturinat që janë të ekspozuara ndaj ndikimeve atmosferike, qenve endacakë etj..
- Të rrethojë deponinë.
- Të groposë mbeturinat shtazore dhe kafshët e ngordhura në gropa të posaçme, që të parandalojë përhapjen e sëmundjeve.
- Të mos vazhdojë kontratën për importin e plehrave prej komunës së Mavrovës dhe Rostushes pa u krijuar kushte për trajtimin adekuat të mbeturinave
- Të fillojë selektimin e mbeturinave duke filluar prej atyre të plastikës si më të rrezikshme për shëndetin e qytetarëve.
Shoqata Qendra për zhvillim të qëndrueshëm të komunitetit (CSCD) në vitet e kaluara disa here ka ndërmarë aktivitete për ngritjen e vetëdijes dhe inicimin e formave për mbrijtjen e ajrit nga ndotja prej grimcave kancerogjene, dhe si rezultat I një inicijative të tillë, Ndërmarjes komunale i është dhënë në përdorim një presë për ambalazhimin e mbeturinave plastike.
Apelojmë edhe tek qytetarët që të marin masa mbrojtëse sidomos gjatë natës dhe orëve të mëngjesit, kur ndotja është më e madhe.
Nëse institucionet lokale nuk marin masa dhe nuk përgjigjen ndaj kërkesave tona, do të ndërmarim aktivitete vijuese për organizimin e qytetarëve të prekur, për të kërkuar të drejtat e veta themelore për të jetuar në ambient të pastër dhe të shëndetshëm përmes formave qytetare për pjesëmarje.
Nga Shoqata Qendra për zhvillim të qëndrueshëm të komunitetit (CSCD)
tel. 046835106